狄波拉（拉姑）與老公鬍鬚Kong、鄺美雲和羅慧娟等昨日到銅鑼灣出席無綫前高層馮美基有關美食的新書發佈會。拉姑大讚馮美基煮食了得，她說：「我就冇佢咁有熱誠，成日煮嘢畀人試，食得我煮嘅嘢都只會係我好熟同最親嘅人。」
問拉姑有沒有試過新抱張栢芝和女兒謝婷婷的手勢？她說：「好新抱使乜煮飯，都冇食過個女煮嘅嘢食喎，20幾歲女使乜識煮飯，遲啲先學都冇所謂。」
叫婷婷慢慢揀
對於婷婷與安志杰拍拖，但又不肯承認，拉姑說：「我有見過佢（安志杰），好大隻成個泰山咁，好穩重，好似好會保護我個女咁，使乜咁快認定，我後生時都揀咗好耐先揀定，我睇電視都唔係淨係睇一個台啦。」
採訪、攝影：RubyWoo