36歲的陳慧琳（Kelly）下月將迎接小生命來臨，懷孕8個月的她昨日透露體重增加了20多磅，由於每次進餐後B仔總在肚裏不停轉動，連醫生檢查時都看到Kelly肚皮在動，相信B仔將是一名大力B。她又謂近日與老公經常用人聲扮敲擊樂，從而培養B仔的音樂感，莫非Kelly有意培養B仔接棒做歌星？
懷孕8個月的陳慧琳，月前為美心冰皮月餅拍攝廣告，雖然當時Kelly已懷孕5個月，但她仍冇有怕穿上3吋高踭鞋拍攝，本來已見肚的她因為穿上較鬆身衫裙，以致身形看起來與未懷孕時分別不大。
老公喜歡單字名
Kelly昨日透過助手表示，現時體重已增至20多磅（即約130多磅）。下月與老公劉建浩（Alex）迎接B仔出世的她，揚言心情又緊張又期待，Kelly透過助手說：「老公負責實用嘅BB用品，好似BB床同BB車咁，我就負責幫BB扮靚買衫，好多朋友送咗好多BB衫畀我，我已經將啲衫分門別類。」
談到起居飲食，Kelly透露近日勤做孕婦瑜伽，至於飲食方面則少食多餐，喜歡飲鮮奶和食榴槤。至於B仔的改名問題，她表示已選了多個中、英文名：「老公堅持BB個中文名係單字，覺得型啲。」
培養B仔音樂感
Kelly又透露B仔十分好動，每次她進餐後B仔總在肚裏不停郁動，就連醫生檢查時，也看到Kelly肚皮在動，是以笑指她懷的是大力B。由於BB對低音比較靈敏，Kelly和Alex近日便經常跟BB玩beatboxing，以人聲扮敲擊樂，藉此培養BB的音樂感。
採訪：林妃
