上禮拜五花旗股市假期休市，港股今朝缺乏啟示，早段要睇日股同埋A股嘅變化。
日股近日喺高位反覆，短線向上嘅機會較大，日股同港股嘅相關度唔會太高，不過對於上下午港股開市嘅表現向來有影響。至於A股，大形勢仲係向好，內銀股有勢，前景亦比之前樂觀，交行（3328）嘅技術走勢越嚟越好，可以留意吓相關C輪。
交行C輪14909：交行（3328）上周五平收8.73元，之前1日從高位以陰燭下跌，上禮拜五已經扭轉形勢，日內有機突破9元關，向10元推進，可以諗吓隻C輪14909。
隻輪現價16.5仙，2009年11月27日到期，行使價8元，溢價10.5%，引伸波幅61%，槓桿率5.2倍（有效3.4倍），正股升上10元，14909睇25.6仙，正股跌穿8.20元，就沽咗隻輪止蝕。
俊樺