唔少車迷都會為愛車加裝GPS，貪佢多Function又可以蕩失路時以防萬一，市面上亦有唔少車用GPS選擇，小記收到風，其中一款Hit品牌Shinco啱啱推出新一代GPS衞星導航P700，仲標榜係品牌GPS系列中屬專業級數咁話，有幾巴閉？4.7吋闊螢幕，全新操作系統接收訊號勁，最重要係配備09年全新中、港、澳3D同平面地圖，搞鬼在可以用手寫功能、普通話拼音輸入、設施分類、歷史紀錄、道路名稱等方法搵目的地，仲係搵唔到？自己新增都仲得！揸車最怕係抄牌，新機話有埋內置超速閃燈功能兼語音提示，更有行車安全提示，話你知入咗交通黑點，又或者入咗限速路段等等。當然唔少得Shinco出名嘅多功能，好似CMMB流動電視、PMP多媒體播放、MP3、藍芽功能、泊車後視功能等等，咦？買部直版車加部多功能GPS機咪隨時平、靚、正過加Option？
記者：梁美甜
查詢：新科客戶服務熱線（36699888）