滕麗名和郭政鴻的地下情原本發展得相當穩定，風平浪靜，但日前滕麗名在blog上自爆和男友分手，即時令人揣測兩人感情有變。不過有人早幾日仍見滕麗名和郭政鴻甜蜜拍拖，故此估計可能是耍花槍，女方一時之氣才爆分手而已。
昨日滕麗名接受電話訪問時再三強調blog中指已分手的「他」並非郭政鴻，她說：「我冇話嗰個係邊個，只係盡訴心中情，緣份盡咗，我家隨時ready迎接新戀情。成件事我唔想影響到人，我敢講鴻仔係絕世好男人。」
郭政鴻：了解吓
郭政鴻前晚單拖出席王浩信的生日會，問到有關分手傳聞，郭政鴻甫接電話即重複多次：「冇嘢嘅。」之後他再說：「了解吓先，其實我哋都冇講過拍拖，但我會關心問吓佢。」
至於陳自瑤，昨日則與舊愛蔡淇俊在九龍灣出席「全球華人慶祝建國60週年」活動，表現大方，未有尷尬，蔡淇俊更指陳自瑤變得很運動型。
採訪、攝影：魯萍