議員辦事處多數設於屋邨或商廈，在「鳳樓」開議辦，八方都係首次聽聞。有讀者報料，指毓民在九龍城馬頭圍道8號開辦事處，該處係區內有名鳳樓，堂堂立法會議員選擇在此落腳，唔怕嚇親女選民咩？
八方問道識途老馬，獲告之上址的確係鳳樓，但屬於過去式，幾年前全盛時期有多個姐姐仔做生意，但近年已沒落，僅餘一鳳，仍呼鳳樓有點吹水。毓民話知道新議辦與鳳姐為鄰，但認為冇所謂，「我哋喺馬頭圍道門口出入，佢哋在差館里上落，各不相干，有乜問題！」
佢又話社民連向來支持紫藤等性工作者組織，所以不介意與姐姐仔共處，新辦事處單位透過經紀租用，面積不足200呎，月租3,000幾蚊，今日正式開幕。