【本報訊】譚妙清昨日一身珠光寶氣出庭作供。兩名與她識於微時的舊拍檔，力證當年未婚的她，是一名勤奮認真的弱質女子，遇上陳振聰後火速成婚，擺設豪華婚宴，搖身一變成為闊太。
當年純品無機心
曾任油尖旺區議員的秦飛鵬，80年代在旺角登打士街經營旅行代理生意時，聘用譚妙清擔任票務文員。秦指譚工作勤奮認真，上班從未遲到，可謂「好女仔」。
89年春節，秦承接大陸團，反應踴躍，領隊供不應求。秦遂臨時拉伕找來譚充當領隊，算是獎勵她出外玩樂，就這樣造就譚與團友陳振聰的相識。秦笑言「我都算係佢哋媒人嘞」。
後來陳不時造訪秦的公司，探望女友之餘，亦與秦閒聊，「佢又冇同我提過風水喎」。至於陳的冧女招數，「都係送吓玫瑰咁囉」。
後來，陳、譚準備結婚，譚向秦請辭，結束多年賓主關係。不過陳譚92年於灣仔君悅酒店擺酒，秦亦獲邀出席，「佢包咗成個禮堂，但擺得嗰十一、二圍」。
另外，一名與譚共事多年的旅行社男職員向記者表示，早於譚未嫁前已認識她，形容她當年純品、無機心，打扮樸素。他又指譚的外貌與當年有天壤之別，「佢嗰陣好瘦，好多暗瘡」。他說現在不敢高攀舊朋友，但謂「佢嫁得好，我恭喜佢」。