諸葛梓岐昨日聯同5名o靚模出席「PSP獵色行動網上慈善拍賣」活動，諸葛梓岐、唐貝詩、徐濠縈和女兒康堤設計PSP，作品於網上作慈善拍賣。對於近期冒起的o靚模一窩蜂行性感，諸葛梓岐指這樣會誤導想入行的女孩，覺得除了行性感並無他法，敗壞風氣。
諸葛梓岐昨日聯同5名o靚模在長沙灣出席「PSP獵色行動慈善拍賣」活動，大會請來徐濠縈與女兒康堤、周麗淇、諸葛梓岐、唐貝詩、何秀蘭、麥玲玲及StellaSo設計PSP，作網上慈善拍賣，善款會捐往香港婦女中心協會。
叫男友競投作品
大會昨日宣佈各人設計的PSP會擺放在全港不同地方讓公眾欣賞，湊巧諸葛梓岐的設計獲安排於男友薛世麟的Neway卡拉OK展覽，在場的麥玲玲即笑諸葛梓岐這是她的嫁妝，諸葛梓岐說：「大會安排搞氣氛啫，有效果咪得囉。」問她會否叫男友競投她的作品？她說：「佢應該會啩，最好出$8,200啦，8.20係我生日日期嘛。」
問到近期o靚模氾濫兼個個行性感，諸葛梓岐說：「我同男友都覺得真係太多啦，個個都差唔多樣，唔知邊個打邊個。」問她對那一個印象最深，會否是特別大胸的o靚模會令她有印象？她說：「個個都大胸過我，我唔夠人嚟，呢啲就係佢哋嘅本錢囉，個個都青春可愛。」
「我唔覺得輸蝕」
諸葛梓岐慨嘆o靚模行性感會敗壞風氣，她說：「我唔覺得自己輸蝕，因為我唔係行呢條路線，而且個個o靚模都走性感路線，風氣唔係好健康，好似女仔想入行就先要sexy，好處係家夏天可以刺激大家嘅視覺。」
採訪、攝影:LawWaiMan
