城大校長郭位輪任八大校長會召集人，最近立法會教育事務委員會邀請佢與會，討論大學教職員申訴機制。郭位卻去信立法會，解釋話開會日不在香港，而副召集人中大校長劉遵義亦在外地，所以校長會冇代表到場。郭位又指，各大學教職員投訴、申訴均由院校自主解決，大學校長會不代表佢哋。
有人指郭位不出席會議，可能係要避鋒頭，因為當日議程涉及討論城大工會對校方嘅投訴，近日城大多風雨，郭位冇理由自動獻身做箭豬。八方聽聞教育局對郭位此舉都有微言，因為校長會不派出代表，即係要官員頂晒啲批評。教育界議員張文光則指大學校長好現實，只在需要向議員申請撥款先出現，講到家醜就noshow！