踏入第3季，港股反覆波動，噚日恒指先升逾400點，但倒跌200點收場，最多嘅時候仲跌過300幾點，驚嚇度唔細，好彩成交唔算好大，暫時當大戶殺即市好倉。
個市逼近19000點，股民又變得好審慎，大價股同細價股齊齊腳軟，部份可能因半年結完咗有關，家最吸引股民，相信都係內地消費股，不過呢類股份波幅比較大，炒賣嘅時候轉身要快。
平保C輪15274：平保（2318）昨收54.20元，升3.3%。股價之前下試50元後迅速回升，噚日大成交炒上，升勢應該可以持續，若升破上次高位61元就睇65元，可以諗吓隻C輪15274。
隻輪現價16仙，2009年12月21日到期，行使價43.88元，溢價10.4%，引伸波幅75.4%，槓桿率3.3倍（有效2.5倍），正股升上66元，15274睇25.5仙，正股跌穿50元，就沽咗隻輪止蝕。
俊樺