英文報章《南華早報》噚日宣佈總編輯劉志權（CK）光榮引退，由48歲嘅蔡翔祁（ReginaldChua）頂上。CK係《南早》老臣子，佢向同事講，十分榮幸能夠在該報工作。
蔡翔祁係《南早》十年來第九個老總，佢係新加坡人，曾長期在港工作，所以有三粒星身份證，家陣係紐約《華爾街日報》高層，從事傳媒十幾年，曾在越南、馬尼拉工作。《南早》同時任命DavidLague做蔡翔祁副手。
《南早》噚日又有節流新措施，日後員工本地交通費上限每月500元，以現時交通費水平，咁搞法無疑要記者貼錢打工，據知已引起好多人嘩然，向上層反映不滿。