【第37屆港姐之滿載而歸】胡杏兒、陳倩揚和10位候選港姐前晚拍完北海道外景返港，人人大包細包滿載而歸，其中胡杏兒喪買蟹、海膽、帶子及四個蜜瓜，結果行李超磅。對於今屆港姐質素平庸，杏兒力撐師妹說：「畀啲時間佢哋，之後會更加靚㗎。」
港姐大隊前晚自北海道返港，陳倩揚及4號劉倩婷家人也有前來接機。胡杏兒和陳倩揚以嘉賓身份到北海道拍攝，二人返港時跟一班佳麗同是大箱細箱的行李，相當誇張，杏兒買手信買得最瘋狂，她說：「我買咗蟹、海膽、帶子同4個蜜瓜，都係3萬幾日圓（約2,000至3,000港元），買到行李超磅，淨係自己嘅行李都35kg，呢幾日我會同屋企人分享啲美食。」
讚佳麗皮膚白淨
有指杏兒今次赴日是為港姐救亡，她否認說：「大家咁諗我好開心，但我唔係出嚟救亡，其實班港姐皮膚好白，我初時出嚟選都冇佢哋咁好，畀啲時間佢哋，之後會更加靚㗎啦。」
陳倩揚父母及胞弟也來接機，記者見她胞弟高大俊朗，遂建議他參選港男，豈料陳倩揚竟阻止說：「唔得！細佬喺澳洲返嚟，今年22歲，等佢讀埋書先啦。」記者叫4號劉倩婷與5號馬詠恩合照，劉倩婷竟表現得相當尷尬，硬要帶着胞弟一起合照，令人莫名其妙。至於3號鄭寶源對有關她上圍縮水的報道笑說：「可能之前我着緊身衫，所以身材出啲，我身材其實一向都係咁，我對自己好有信心。」
10號李姿敏獲母陪伴
10號李姿敏的母親原來專程報團跟隨愛女前往北海道，認真廿四孝母親，李姿敏說：「雖然媽咪冇睇集訓，但有佢陪住已經好開心。」
採訪：李珮洳 攝影：黃文成
各位讀者如果認識十位入圍港姐，知道她們的底細，歡迎電郵mailto:[email protected]報料。
