27歲爵士前鋒布沙周二決定唔跳出最後一年嘅1,270萬美元（約9,900萬港元）合約，將「出爾反爾」呢句說話闡釋得淋漓盡致，皆因呢位以「見錢開眼」聞名嘅前鋒，過去一年態度囂張咁講明，睇唔到咩原因要留多一年喺爵士，阻住佢轉投他隊簽天價長約，之但係金融海嘯搞到佢「掘金美夢」幻滅，搞到佢家只好「扮忠心」留番喺爵士，hea打都可以吸晒啲錢先走，下季完咗再搵水魚；好在天有眼，2010年球季後有「大帝」勒邦占士、「閃電俠」獲迪等星級球員成為自由身，到時容易受傷嘅布沙想再搵過千萬年薪都難囉！