上半年港股最後1個交易日先升後跌，但係半年埋單計數，恒指升幅近28%，可算係豐收。大市升咗咁多，近排成交又縮減，睇嚟港股可能要悶多一輪先至再有大變動。
不過，經濟最壞嘅時間應該已過去，樓市嘅升勢唔似虛火，加埋資金流入，下半年港股可以繼續睇好，地產股仍係值得留意嘅股份。
工行C輪17246：工行（1398）上日報收5.40元，升0.55%。大市先升後跌令工行嘅升幅收窄，但係就冇破壞工行向上嘅走勢，工行有機試6元，可以諗吓隻C輪17246。
隻輪現價49仙，2009年12月30日到期，行使價6元，溢價20.1%，引伸波幅46.1%，槓桿11倍（有效4.8倍），正股升上6元，17246睇79仙，正股跌穿5.15元，就沽咗隻輪止蝕。
俊樺