港股6月最後一個交易日高開355點，可惜最後倒跌149點，收18378，睇走勢似乎後市會有調整。
內地對冲基金經理趙丹陽去年花過千萬元投得同股神畢菲特飯局，但到早前佢先至同畢菲特食飯，順便帶本物美（8277）年報向佢老人家請教，一個小動作就搞到隻物美股價急升4日。星俠高追就一定唔會，事關炒內需概念，同類股實在唔少，物美忽然急升，好大原因係有人利用「股神效應」而已。
上望2.2元
茂業（848）兼具百貨與地產兩大元素，事關其經營之百貨店，均以低價買地而建成，內地物業價格升勢持續，該公司的物業估值亦水漲船高。集團去年盈利升25%至5.21億元人民幣。目前公司有意出售汽車業務，只要啱價就會沽，預期年內可完成。
茂業股價上月升見2.04元見調整，低見1.64元後反彈，周二收報1.87元，升1.6%，似重整旗鼓再試2.04元高位。伺機短炒，目標2.20元，跌穿上次低位1.64元止蝕。
方星俠