彭志銘趕書展，這回新爐舊火，叫做《狂插煲呔曾》。
好多人未能奉陪，唔認同要插曾特首，事關插佢都費事落手，最好叫佢自己速速getfired，pleasedie。
插唔落，抦又如何？曾特首有冇令你諗起靚聲阿嬸？有，因為你唔想抦佢咁簡單，想用盡甲乙丙，叮佢出局。
狂擲也許有市場，不過特首辦將來搬去的地方叫做添馬艦，不是MK，砵蘭街的飛魚牌通渠水旋告銷情轉弱，淡過口罩和漂白水。
狂劈一個人，而不是一塊豬扒，對象是急才麻麻的曾特首，他很有可能懶幽默反問你，「想劈腿是嗎？」肯定肉麻死人，冇謂倒胃。
狂嘴？主啊饒恕我們這些罪人吧。狂咬？……唔入嘅。
狂揸？哪個部位好？最MJ那種，超三級，無人頂得順，香港只有迪士尼，沒有人夠膽引入Neverland。狂摸？一樣，唔該自摸爆棚好過。
狂醒，也許最有建設性，醒少少就夠。