【本報訊】特區政府會否聆聽7.1市民的心聲，於年底推出具有民主元素的政改方案，政界人士均不表樂觀，民主黨創黨主席李柱銘鼓勵港人「幾大都要撐落去」；支聯會主席司徒華更率先呼籲，假若年底出爐的政改方案再令市民大失所望，「唔使等到明年7.1，只要份報告一出，我哋都應該再出嚟遊行。」
港人要求落實雙普選的素願等了又等，年底的政改諮詢本來是一個港人願望成真的機會，但李柱銘卻不看好有任何突破，指「特區政府肯定都係掟番嗰套嘢出嚟，話人大常委會決定咗喇、要一步一步嚟，唔好一步到位。」
他直指港人對於落實雙普選「已經等咗好耐」，一旦年底的政改方案仍然「冇料到」，港人也不能灰心，「幾大都要撐硬㗎喇」，直言「如果今年咁多人嚟佢都唔畀，咪第二年再多啲人嚟囉，一定會要嚟到爭取2012年雙普選為止」；71歲的他更堅稱：「一日冇民主，我一日都會嚟。」
管治問題激起上街
支聯會主席司徒華不諱言，今年上街的市民中，不少衝着曾蔭權施政失誤而來，「大有大錯，細有細錯，佢（曾蔭權）係連好細嘅問題都搞到亂晒大龍」，相信是管治問題激起市民群起上街，但堅信上街市民有着共同目標，「最重要嘅問題係香港仍然冇雙普選，令大家都要行出來。」
司徒華以一句「拭目以待」，表達對年底政改方案的期望。但同時警告曾蔭權，有關政改方案必須積極回應上街市民爭取普選的心願，聲言「如果係對普選冇任何回應，唔使等到明年7.1，只要份報告一出，我哋都應該再出嚟遊行。」他激勵市民繼續抗爭，「要一路行，直到有雙普選為止。」
壹傳媒集團主席黎智英昨天也有參加遊行，形容「人民力量冇得頂」，呼籲市民若擔心年底的政改方案大倒退，必須繼續發聲，「大家要繼續行，直至普選嚟到先好停」。