Angelababy（楊穎）與師姐熊黛林前晚齊齊為所屬模特兒公司舉行的比賽任評判，Baby對於近日再度被指整容有備而來，對於有指她下唇出現離奇摺口疤痕，她笑言是唇膏甩色，理直氣壯地說：「我冇整過容，唔好屈我。」
熊黛林所屬的模特兒公司Style，前晚在海港城舉行ModelHunt總決賽，Style主持人Kim帶同熊黛林、Angelababy，徐子淇御用化妝師GaryChung及丁子高等人作評判。
「細個箍牙相」
身穿BCBG晚裝裙出席活動的Baby，近日再度被指整容，前晚全程由經理人Kim傍實，顯然對整容報道有備而來，Baby說：「呢啲係舊聞，由出道到家都講緊，全部都係嗰啲細個時候箍牙嘅相，冇乜大改變。」對於報道中指她下唇離奇出現摺口疤痕，她說：「係唇膏甩咗嘅色。」Baby坦言對於常有指她整容的報道已習以為常：「已經習慣，係舊聞，講咗好多次，我係冇整過容，唔好屈我。」
黛林讚o靚模靚
此外，大師姐熊黛林對於選拔的模特兒給予忠告，她說：「第一次比賽，有啲表現冇信心，有啲表現過咗火，其實要對自己有信心，要有心理質素。」對於近日一眾o靚模以性感搶灘，她說：「都幾靚，不過都係廣告工作多一啲，有身材唔係壞事，睇自己點揀。」談到郭富城會於台北的演唱會向米高積遜（MichaelJackson）致敬，她會否捧場，她說：「喺台灣都去唔到。」
採訪：LawWaiMan 攝影：DickyChan
