世事嘅嘢，有時真係巧合得出奇。市民Barry噚日上街，遊行到金鐘時，終點在望心情輕鬆，四圍望之際，竟然俾佢發現一件奇事。
是咁的，Barry見到一名當值輔警，編號竟然係「A6471」！64、71對香港人有特別意義，而呢位輔警咁巧合噚日當值，Barry形容係奇聞，佢又讚呢位輔警盡忠職守，大熱天時都出動維持秩序。一般情況下，警民關係可以幾好嘅，噚日雷曼苦主遊行期間，八方就聽到以下對話：有個苦主情緒激動，要生要死，有個警員勸佢要保重身體，原來佢自己同埋家人，都買咗雷曼迷債，成百萬元化為烏有，喺嗰一刻，苦主當堂冷靜咗落嚟。