王喜曾經因與鄭嘉穎拍劇傳不和，繼而與無綫製作資源部總監樂易玲展開罵戰，王喜更一怒之下與無綫解約，不過最近有指王喜因加入陳志雲的fanclub「迷雲黨」後而成為新寵，所以被力邀回巢拍劇。王喜昨日在開鏡拜神上，笑笑口否認自己是陳總的新寵，還表示無綫裁員後沒有增加新quota。
王喜、鍾嘉欣昨日為無綫劇集《冏探查過界》在電視城進行拜神儀式，談到有指王喜因加入「迷雲黨」而成為陳總的新寵，王喜否認此事，他還笑說：「我哋識咗10幾年，係好熟嘅舊朋友，並唔係新寵。」
拒認志雲招攬
有記者笑問陳總有否招攬他時，王喜笑說：「我唔係新寵呀，而且前排裁員之後冇加番啲新quota（配額），邊有呢啲新寵呀，開吓玩笑啫！」王喜還說拍劇期間很開心，於是乎問他是否因今次少傳出是非？他說：「唔係呀，係個劇本好笑啫，加上我老練、佢哋又專業，所以拍得好開心。」
問今次飾演冏探的王喜會否向胡杏兒請教冏樣時，他一臉尷尬地說：「我都係開咗工兩個禮拜，暫時未有咁嘅需要先！」
嘉欣抄楊丞琳
另外，劇中飾演o靚模的鍾嘉欣表示今次是參考日本model和楊丞琳的表情，反而未有留意香港的o靚模，她說：「我未有時間睇到咁多人呀，我淨係去過旺角一次，我都會學吓得17歲嘅G.E.M，留意吓佢哋啲語氣。」雖然近期o靚模以性感示人，不過鍾嘉欣則無意跟隨，並指劇本只安排她着吊帶衫和短裙。
採訪：何慧斯
攝影：陳順禎