【本報訊】「我梗係一句大話都冇講過啦！」連同庭外這一句，陳振聰昨日至少六次表示自己絕無撒謊。長達5日的作供終於完畢，他疲態畢露，繃着臉，擠出笑容，向旁聽記者表示「辛苦晒」，又謂稍後會和家人外出吃飯，「但唔可以話係慶祝」。至於妻子譚妙清即將出庭為他作供，他淡然道：「佢？壓力梗有㗎啦！」
陳振聰昨於庭上多次強調自己清白，例如說「我發咗誓講真相㗎」。提到他於龔如心臨終前，曾說她可多活廿年，陳淒然嘆謂：「咁多年嚟，我一次大話都未同佢講過，但就係呢個鼓勵變成咗大話嘞﹗」
當陳被質疑窮奢極侈，他解釋斥巨資購買私人飛機，本來打算用作接載龔如心到外地治病，不過「交機時，Nina已經過身」，說時狀甚黯然。
「見番面就掘吓窿」
對於華懋一方指他巧用風水遺囑，訛稱可令龔續命，屢次被指揑造證供的陳激動回應：「絕對冇呢件事呀大狀，我覺得今次係你揑造出嚟！」對於影帶勒索的指控，他氣得張口結舌，但後來也說：「對唔住，我衝動咗少少。」
至於為何事隔多年，05年陳龔重逢後再進行挖風水洞工程，陳無端面露尷尬，笑指龔可能「覺得見番面，就掘吓窿囉，我話唔使啦，佢就嬲」。此言一出引起哄堂大笑，法官打圓場指，可能是龔如心要以挖洞紀念重逢。