o靚模今年夏天「胸」群而出，先後推出寫真集冧電車男，6位美味天使也不執輸，挾着《美女廚房》的人氣乘勢推出寫真集，但早前因失言被雪藏的「香蕉」王淑玲，在昨日發相中未見她的相片，剩下的5位天使中以「柑桔」陳蕊蕊34E的身材最有睇頭。
暑假來臨，一班o靚模近日先後推出寫真集，實行「胸」群而出冧爆一眾電車男，而無綫人氣節目《美女廚房》中的6位美味天使包括「腸粉」丁樂鍶、「藍莓」劉俐、「柑桔」陳蕊蕊、「春卷」王寶寶、「豆沙包」晴晴及「香蕉」王淑玲同樣有身材有樣貌，故此也不執輸挾着節目的高企人氣，推出寫真集《TasteofAngels》，她們在寫真集中分別以比堅尼、便服、睡衣及校服look示人，以不同造型殺盡少男fans心。
香蕉暫被雪藏
有關方面昨日發出幾位天使的寫真集靚相，但卻不見早前因踢爆拍攝時入住的贊助酒店鬧鬼而被雪藏的香蕉，不知是否因此被飛出寫真集？寫真集負責人郭小姐昨日說：「香蕉係有份拍攝呢本寫真，本寫真會有佢份，有需要嘅時候香蕉會配合做番呢本寫真嘅宣傳。」言下之意即表示香蕉未有被飛出寫真集，但能否解凍出來宣傳則是未知之數。
腸粉影相怕醜
美味天使的寫真集會於本月中推出，書展及便利店均會出售。當中以天使的比堅尼泳衣look最為煞食，除了香蕉王淑玲曾拍過比堅尼靚相外，其餘天使都是首次拍泳衣相，故此拍攝過程中難免有點尷尬，當中腸粉丁樂鍶最為怕醜，經常擔心走光而左顧右盼。
眾位天使之中以柑桔陳蕊蕊的炮彈上圍最有睇頭，現場多套泳衣都衣不稱身，結果只能揀選一套size較大的黑泳衣，不過蕊蕊昨日在電話中笑說：「其實係因為我怕揀啲太細件走光，所以先揀件大啲。其實晴晴身材都好好㗎，佢都好有睇頭。」
蕊蕊坦言因為上圍大，所以一直以來去游水都會穿上T恤，以免被人投以其他有色眼光。
採訪：葉雪