【本報訊】相隔七年，位於石硤尾的中華基督教會銘賢中學再次出產高考狀元。考獲五優的黃穎欣，一語道破致勝關鍵：「高考係一場心理戰，對自己有信心已經成功咗一半。」她坦言信心曾瀕臨崩潰邊緣，失控大哭；現取得驕人成績，歸於信仰及家人：「如果冇咗佢哋，我一定撐唔住！」
信仰及家人作後盾
穎欣修讀文科，是典型的乖學生。她說會考時「溫到天昏地暗」，得29分，僅僅未能拔尖，「有啲唔抵！」除中化及英文外，高考應考科目包括經濟、地理及會計，通通奪A。但中化考試前一星期，壓力令信心崩潰：「點解仲可以錯咁多？點解仲未達到A嘅要求？」種種疑問及挫敗，令她失控大哭。
低谷之處，信仰及家人是穎欣的最強後盾：「全家人喺考試前一齊為我祈禱，好感動。」黃太更與女兒一同前往中化口試試場，又等她完成考試：「我諗住第一日考試，如果佢考得唔好，出到嚟都可以即刻攬住我。」
眼見愛女的努力沒有白費，本來默默坐着的黃生突然感觸落淚，更一度不能說話。他拭乾眼淚後說：「我當然想個女考得好，但讀書應該適可而止，見佢讀到過晒火，我反而鬧過佢兩、三次，叫佢唔好讀。」穎欣希望入讀中大新聞與傳播學院，日後在廣告界發展。