港大女生陳巧文7.1前夕粉墨登場叫人上街，去年奧運聖火抵港時，佢展示雪山獅子旗單嘢原來仲有下文，佢不滿警方搶走旗幟同標語，又武力對待佢，質疑違反《基本法》及《人權法》，損害言論、集會及遊行自由，決定入稟司法覆核。
打官司要錢，陳巧文為幫補司法覆核費用，親自製作咗一批「北極有企鵝，香港有民主」磁石貼，有大有細，分別賣10蚊同5蚊，明寸民建聯副主席張國鈞，亦表達對香港民主被保皇派操控嘅無奈，有興趣可上網訂購。 http://northpolepenguin.weebly.com/index.html