由劉美君主持的無綫歌唱比賽節目《超級巨聲》前晚首次錄影，吸引逾百名來自不同階層的參賽者爭奪30個入圍席位，她大讚參賽者實力勝過現時的歌手，又指不少歌手的唱片是靠電腦執出來。任評判的Kay則穿上性感低胸裙示人，不慎露出防走光膠紙，頓成焦點所在。
無綫新節目《超級巨聲》前晚在將軍澳電視廣播城錄影，由劉美君擔任司儀，古巨基、謝安琪、側田、藍奕邦、EricKwok和伍樂城則擔任評判，勝出者將有機會奪得價值100萬的獎金連獎品，吸引逾百名來自不同階層、年齡由11歲至37歲的參賽者，競逐30個入圍席位。日前6位評判已從100名參賽者中，選出24名率先入圍者，故當晚節目只需在餘下10名最高分參賽者中再選出6位即可。
寸歌手唱功水皮
雖然前晚只需選出6名入圍參賽者，但不少落選的參賽者也有到場為其他參賽者打氣，當中有一對孖生兄弟齊齊參加比賽，最終卻只得細孖入圍，而年齡最細的11歲趙展彤在現場大受歡迎，最終也成功入圍。
其中一名女參賽者張家縈自言外形較遜色，劉美君安慰她說：「唔係外形唔得就唔得嘅，好似蘇永康出嚟時，我都話佢啲歌一定得啦，但係我唔係話佢外形唔得，而係佢唱歌好好。」
劉美君也為現場參賽者的友情大為感動，又忍不住說出肺腑之言，暗寸現今樂壇歌手唱功水皮，並指着現場參賽者說：「你哋啲音同咬字都唱得準過好多歌手，家有好多都係靠電腦執出嚟。」
側田大跳娃娃舞
雖然現場參賽者水準十分高，但風頭仍被穿黑色性感低胸裙的Kay搶盡，但Kay卻失手露出防走光的膠紙。Kay自爆曾與一名參賽者合作過，但不會特別加感情分。至於側田則謂不擔心現今歌手的歌藝會被參賽者比下去，他說：「市場有唔同需要同取向，咁先令到樂壇有生氣，我做評判會實話實說，唔會hurt到佢哋。」個子矮細的側田見現場有人演繹《娃娃愛天下》，更興起大跳「娃娃舞」，惹來哄堂大笑。
採訪：何永寧
攝影：陳順禎
