上禮拜最後兩個交易日港股先後升破10日同20日線，技術走勢好靚，不過噚日期指結算就要下跌71點收市，好彩成交只得500億元，同埋恒指仲守喺20日線樓上，整固過後，應該可以繼續炒上。
大市成交咁奀，活躍嘅股份其實唔算多，比較有鑊氣都係啲內房股，短期仍係市場焦點。滙控（005）繼續橫行，暫時唔會有大動作，但要睇實幾時破位，若升破70.85元可追入C輪短炒。
中移動C輪16809：中移動（941）昨收79元，逆市升0.38%，已經連續升咗4日，睇個勢會上試84元，破位就睇88元，可以諗吓隻C輪16809。
隻輪現價9.9仙，2009年11月9日到期，行使價75元，溢價7.4%，引伸波幅45.9%，槓桿率7.9倍（有效4.8倍），正股升上88元，16809睇16仙，正股跌穿75.50元，就沽咗隻輪止蝕。
俊樺