正生書院想搬去梅窩，點知引起當區居民強烈反彈，原來紅十字會最近都遇到類似問題。紅十字會位於京士柏道嘅輸血服務中心，用咗都有25年，紅十字會決定要擴建呢個中心，計劃起多幢7層高嘅新大樓。雖然個計劃得到區議會祝福，政府原則上亦支持，但八方聽聞何文田附近豪宅嘅居民，怕擴建影響佢哋層樓嘅景觀、拖低樓價，其中最近嘅豪宅帝庭園就最受影響，所以都有啲反對聲音。
香港紅十字會輸血服務中心行政及醫務總監連智傑醫生話，會盡量向居民解釋擴建嘅需要，希望居民接納。其實中心家好唔夠地方用，連員工飯堂都冇咗，以撥出更多地方用嚟處理市民捐血。