去年「孔雀開屏」而喺蘭桂坊偷食斷正嘅倪震，前晚竟然又再喺夜店出現，莫非佢唔怕老婆周慧敏（Vivian）扭耳仔？不過今次倪震係去尖沙嘴某間新開張酒吧恭喜老闆，但點知佢一去到先發現當日自稱畀佢追求過嘅樂壇新人羽翹同埋傳媒都在場，倪震話：「我仲以為私人派對，唔知你哋（指傳媒）喺度，我唔會做訪問。」
驚恐四圍望
因為羽翹同傳媒在場，搞到倪震不知所措，左顧右盼。問到佢知唔知羽翹都在場，倪震話：「唔知。」馮仁昭再追問嚟酒吧怕唔怕Vivian唔開心？倪震問非所答話：「唔好意思，我走先。」結果佢逗留咗15分鐘左右，最後借尿遁就閃走咗!
至於羽翹就話唔介意同倪震合照，但可惜男主角閃咗，結果呢張相都係影唔成。講到日前羽翹同班o靚模出席活動時佢唔肯同人合照，佢立即澄清話：「我唔係唔同人合照，係公司話叫我影單人相，等人容易啲認出我，我絕對冇嫌棄班o靚模。
