城中富豪趙世曾與盈盈所出的長子趙式浩，現任卓能集團執行董事，是城中鑽石王老五之一，昨日凌晨他與無綫藝員、有韓國通之稱的宋芝齡，夜蒲中環蘭桂坊夜店Volar，二人邊行邊談，十分熟絡投契。
「十畫未有一撇」
昨日記者致電趙式浩問他與宋芝齡是否拍拖，他說：「我淨係見過宋小姐一、兩次，係朋友介紹識嘅，佢咁靚女大把人追，前晚咁啱約咗朋友一齊傾嘢，都知有記者影到，不過前晚落大雨遮埋宋小姐都好正常，換轉係第二個都會咁做，我啱啱甩拖，唉，十畫未有一撇，總之同佢係朋友，啲人唔好以為老竇係咁（花心），個仔都係咁。」宋芝齡則在電話中說：「我哋仲有其他朋友一齊，我家冇拖拍，畀心機工作唔想有緋聞，佢冇追求過我，係真就冇所謂，佢個人好好，好聰明。」
採訪、攝影：朱志聰、李志明、丁寧