上周五期指結算日前夕，港股大幅上升，今日期指結算，好友梗係想再下一城，不過，上日嘅升勢冇大成交配合，今日要再大升唔係咁易。另一方面，港股之前跌得咁急，家升番上嚟，形勢已經轉好，只要守住條20日線，等條10日線升上嚟，恒指逼向20000關嘅機會就大好多。
近排焦點係內銀股同地產股，升勢應該未完，遲少少可以留意電訊股。
港鐵C輪16815：港鐵（066）上周五報收24.05元，升3.2%。股價幾乎跌足成個月，呢幾日回升，成交仲顯著增加，短線有機升破25.50元試27元，可以諗吓隻C輪16815。
隻輪現價33仙，2010年2月25日到期，行使價24元，溢價13.5%，引伸波幅41.9%，槓桿率7.2倍（有效4.1倍），正股升上27元，16815睇51.8仙，正股跌穿22.80元，就沽咗隻輪止蝕。
俊樺