【本報訊】馬會是不少受助機構的捐助者，它們均憂慮馬會盈利下跌會削減資助，對小型社福機構打擊尤甚。協助家庭暴力受害人的群福婦女權益會主席廖銀鳳表示，賽馬會過去11年均向他們提供資助，「對我哋呢啲蚊型、自助互助嘅組織，冇名人撐腰，要籌款唔係咁易，但馬會仍然幫助我哋。」
「望財團做多啲工夫」
廖銀鳳指，賽馬會是群福的唯一資助機構，自1998年開始撥款，「好多謝佢哋支持咗咁多年，金融海嘯我哋都好擔心，尤其我哋呢啲細組織，影響更加大。」現時群福有兩名全職員工，協助家暴受害人，去年接受54萬元馬會資助，59名受助者入會，今年單是首五個月，已協助50人。
另一馬會受助機構防止虐待兒童會每年接受馬會80萬至90萬元資助，佔總支出少於十分一，總幹事雷張慎佳表示，馬會自2001年開始提供資助，支持他們開展其中一個義工服務計劃，探訪新生嬰兒的家庭，教導父母在身體及情緒上調節，強化家庭凝聚力，提高家居安全，預防虐兒個案，「金融海嘯令到呢類服務嘅需要更大，希望財團或者商界可以做多啲工夫，令專業人士有更多資源，搵多啲有心人幫手。」