企業賺錢也裁員減薪、領匯帶頭剝削勞工……受夠了官商勾結、忍夠了無良僱主，今年7.1，打工仔女怨氣冲天。職工盟認為，惟有爭取集體談判權，才能「抗海嘯、反剝削、撐飯碗、爭民主」；街坊工友服務處則以「抗官商勾結、反外判制度、創就業職位、保工人飯碗」等口號，呼籲打工仔上街。兩大勞工團體都估計，今年會是董建華下台後，最多市民上街的7月1日。
「冇民主就冇勞權」
今年5.1，6,500名打工仔參加工聯會和職工盟舉辦的勞動節遊行，人數破紀錄。職工盟幹事譚駿賢表示，這反映踏入09年，打工仔被嚴重剝削。「好似TVB咁，賺成十億元，竟然先後裁員近300人，睇到勞資雙方嘅權力根本係失衡，所以爭取集體談判，對保飯碗、頂住無理剝削好重要。」
不過，沒有普選，打工仔就別指望享有集體談判權。1997年6月底，前立法局通過相關法例，但全港市民只擁有過短短3周的集體談判權，回歸後即被臨時立法會廢掉。「家個立法會有一半議席係功能組別，主要代表商家利益，邊會再過到？所以冇民主，就冇勞權！」他呼籲在今年5.1、六四上過街的打工仔，7.1再到維園，用人民力量去爭民主、保飯碗。
職工盟海洋公園職工會正努力爭取集體談判權，該會理事長黃淑芬說，海洋公園是公營機構，但職員要承受「跑數」壓力，沙士減薪後，直至06年成立工會，勞工待遇才漸有改善。「所以普選好緊要，特首同個議會都會公平啲，唔會好似家咁一面倒。」
工友對施政好不滿
「好多工友都話今年7.1實上街，佢哋對政府施政好不滿。」街坊工友服務處幹事郭政權舉例，領匯停車場保安被變相減薪；政府注資6,000元入打工仔強積金戶口，明益基金公司，都是官商勾結的明顯例子。街工近日落區派7.1傳單，許多小市民表示支持。「如果特首係一人一票選出嚟，一定會以大眾利益為依歸，唔會搞咁多外判、私營化，打爛工人飯碗」。街工準備了兩幅50米長大橫額，及一個「官商勾結大怪獸」道具，7.1上街反外判、保飯碗。
記者：雷子樂