周汶錡（Kathy）的法籍男友JulienLepeu，日前被拍到夜蒲時狼咀樂壇新人張苡澂，但Kathy竟戲劇性地原諒男友，並一同撐枱腳。Kathy妹妹周麗淇（Niki）早前因鄭嘉穎搭上佘詩曼而分手，前晚出席商台音樂會時即有感而發，寄語天下間男士要循規蹈矩，不要越軌偷食傷害另一半。
楊千嬅、周麗淇、張敬軒、王菀之、農夫和泳兒等，前晚齊集灣仔會展演出商台「香港誇啦啦壓軸壓場打氣音樂會」，各歌星為不同行業打氣加油，其中千嬅更出言力撐正生書院學生，她說：「我睇到有關正生書院學生嘅報道，大家唔應對其他人有無謂標籤。」而Niki身穿貼身低胸背心露出微波身材，更和男舞蹈員大跳貼身舞。
晒微波顯自然
Niki罕有以微波身材示人，問她有沒有刻意為上圍加墊？她笑說：「冇呀，算啦，我係崇尚自然。」談到胞姊周汶錡的法籍男友JulienLepeu被拍到狼咀新人張苡澂，但Kathy轉頭竟大方原諒男友並一同撐枱腳，兩人是否已和好？Niki說：「佢哋一向都冇嘢，家姐OK喎，食得行得走得瞓得，我同佢私下冇講感情事。」早前Niki因鄭嘉穎搭上佘詩曼而分手，問兩姊妹誰應付偷食男較有經驗？Niki笑稱很難回答，不過她最終都似是有感而發說：「每個男仔都應循規蹈矩，通常呢方面（指偷食）女仔會少啲，呼籲各階層男士對另一半好啲，唔好令佢哋唔開心。」
談到米高積遜（MichaelJackson）猝逝，Niki透露原本相約好友去看他巡迴演唱會，她表示希望有關方面可以把他個唱變為追思音樂會，Niki也會照樣捧場。
千嬅打類固醇
千嬅因早前哮喘復發抱恙，要打類固醇針開聲演出，但有傳若用太多會有副作用，令女性流失鈣質可能影響生育，她說：「我冇事，冇死冇啞，仲會食多啲蕉同鈣片補充番。」至於老闆黎明簽了文詠珊（JaniceMan），千嬅表示有看過她演出的電影，表現不錯，她還笑說：「咁啱又係叫Janice，黎生一向簽人都有taste，睇我就知。」泳兒因開完騷後狂食雪糕和曲奇引致肚屙，幸沒有大礙。
採訪：駱華齡
攝影：陳俊強、黃文成
