【本報訊】的士司機駕車營業期間隨時會遇上醉乘客，港九新界的士司機總會主席李志祥表示，其實早前曾有司機提出，在司機位旁加裝鐵欄，既可以防劫亦可以預防醉乘客滋擾，但業界意見不一，故一直未有落實。他呼籲同業接載到醉酒乘客時要提高警覺，必要時要停車離開車廂及報警救助。
令遊客誤會港治安差
李志祥表示，過去發生過不少的士劫案及醉酒乘客滋擾司機事件，部份的士司機曾建議在司機位旁加裝如內地的士般的鐵欄，以防萬一，但有車主認為此舉會令遊客誤會本地治安差，影響形象，因此一直未有落實。不過現時亦有部份司機，在得到車主同意下在司機位背後加裝膠板或鐵欄。
市區的士司機聯委會主席郭志標則透露，被醉乘客滋擾，當時他接載一名外籍遊客途經九龍城宋皇台道，「佢坐喺後面，一陣間又瞓地下，又瞓吓座位，突然捐上嚟，我見佢一捐上嚟，即刻泊埋一邊落車，然後報警。」他呼籲同業，遇有乘客干擾駕駛，最理想立即停車及拔走車匙落車，以保人車安全。
的士司機楊先生則表示：「如果發現截車嘅乘客好醉，會唔畀佢開車門就開走；但係好唔好彩俾佢上咗車坐喺車頭，會請佢坐去車尾，再唔係就報警求助。」的士司機葉先生亦謂：「如果開車途中俾醉酒乘客滋擾，會先同佢理論，對方不可理喻嘅話，就會在安全地方停車同報警。」