官恩娜（Ella）和導演阮世生前晚到鰂魚涌接受網上電台訪問，宣傳新戲《矮仔多情》，她表示曾經和矮過自己的男生拍拖，又稱不介意男朋友的外表。另外，談到有o靚模自爆被中間人呃鐘錢，Ella聞言說：「當年我19歲時一個人返廣州做嘢，但係對方唔肯畀錢又爆粗，好彩最後佢都畀錢俾我走。」
要寫悔過書
此外，Ella表示曾有一次同樣到廣州工作，但對方竟指她表現不理想，要Ella寫悔過書及禁止她離開，困着Ella在酒樓足足四個鐘，最後Ella發惡一口氣衝落樓上車，她說：「自從呢件事之後，以後我返內地做嘢，都會自己book車，有乜事都可以立即走。」
採訪、攝影：駱華齡