米高積遜曾紅遍全球，圈中有不少歌手均受其歌曲及舞蹈影響，演出時更會模仿MJ的舞步向偶像致敬，如方大同、蔡一傑及台灣歌手羅志祥等。
「係眾人偶像」
方大同曾於演唱會上表演MJ的舞步，他表示聽到MJ的死訊時感到十分錯愕，說：「我覺得好可惜同遺憾，佢係我由細到大嘅偶像，我會模仿佢跳舞，MJ係一個有才華嘅人，係台上嘅天才，今次fans失去咗好珍貴嘅寶物。我好期待佢倫敦嘅演唱會，但我8月有演唱會，所以想去第二站，但家冇得睇。」
蔡一傑昨日在電話中也大讚MJ的舞蹈一流，他說：「MJ係眾人偶像，尤其係我哋呢一代，佢嘅舞蹈一流，我哋嘅舞蹈亦係受佢啟蒙，屋企有好多佢嘅唱片，知道佢去世嘅消息覺得好突然，好唔開心，我會喺屋企為佢默哀。」
此外，台灣跳舞天王羅志祥也曾在演唱會上模仿過MJ摸下體的動作，他表示第一次模仿MJ，是12歲參加教會的聖誕節派對。
撰文：馮佩