「幾個人坐喺度講無用，要出嚟遊行先可以向政府表達！」任憑身邊人說遊行沒用，珠海書院新聞系二年級學生陳靜愉（Mina）仍然堅持想法，周三7.1再次大步上街去，為的不是自身利益，而是為受跨代貧窮影響的兒童，爭取政府支援。
反23條上街印象深刻
Mina從小在基督新教學校念書，今年當上天主教大專聯會國際事務秘書，跟其他基督徒團體合辦7.1祈禱會，但原來她今年復活節才領洗為天主教徒，驅使她加入教會的，是陳日君樞機。
Mina念中二那年，居港權問題鬧得沸沸揚揚，同年人大釋法，人人覺得大陸人可惡可憎，陳日君那時是教區助理主教，和甘浩望神父二人力排眾議，支持家庭團聚，令她非常感動，「我自己讀國文，講士大夫要特立獨行，天下非之，仍然堅持，我覺得陳樞機就係咁。」
03年7.1反23條，50萬人上街的畫面她印象深刻，她從此變得關心社會，之後一個人參與04年元旦大遊行，一個人去六四集會，後來更加入中學生聯盟。
陳日君言行令她感動
中六那年，世貿會議，警方拘捕大批示威的韓農，陳日君不滿警方的做法，一句「香港之恥」再次震動Mina；直到05年政改方案，「當時覺得（陳日君）得呀！如果唔係佢咁公開反對，會唔會班泛民咁齊心反對呢份報告書？」
「好多人覺得神父只會講聖經，唔會講政治，但陳日君講得好啱，好少人講得咁好，佢呼籲啲人7.1出嚟遊行，令我好感動。因為佢俾人鬧，我先留意到佢，仲要俾自己友（教友）鬧完，都仍然關心弱勢社群，令我更加欣賞佢。」
遊行方可將聲音發出
升大學後，她上網找天主教正義和平委員會，認識到大專聯會的同學，開始以行動回應社會，「關心弱勢社群係要以行動，唔可以討論完一兩個鐘就算，遊行先可以將我哋關心弱勢社群嘅聲音發出嚟，只係坐喺度講無用囉。」
她認為政府過去沒着力解決跨代貧窮問題，希望透過上街，為貧窮兒童爭取教育津貼，「家呢個年代，無得上網真係唔使旨意做功課，我哋希望政府畀多啲支援啲小朋友。」
記者：張嘉雯