【本報訊】米高積遜突然逝世，不少本港歌迷紛紛搜購他的唱片，唱片店也急忙補貨。山頂杜莎夫人蠟像館則把米高積遜蠟像放到門前，吸引大量遊客拍照。
演唱會DVD受歡迎
「知道佢死咗，真係好唔開心。」今年三十多歲的杜先生，自中一起迷上米高積遜，「嗰時成班朋友都好迷佢㗎，大家都好鍾意聽佢嘅歌。」杜先生差不多買齊了米高積遜的所有唱片，就只欠一張《Bad》，故昨日特意到唱片店購買。「唔知點解會冇咗呢隻，入面有首歌叫《SmoothCriminal》係我最鍾意聽嘅。」
曾小姐同樣是米高積遜的歌迷，小學時代已愛上他的歌聲。對於他離世的消息，感到難以置信。「好想買番佢嘅舊唱片，佢以前嘅歌十首有八首都好好聽。」HMV中環分店副店長周湘儀表示，昨日不少客人查詢米高積遜的唱片，其中最受歡迎的是演唱會的DVD。在傍晚，唱片店亦急忙從貨倉取來米高積遜的唱片。
位於山頂的杜莎夫人蠟像館，昨日特別在門前放出米高積遜的蠟像，不少遊客拍照留念，懷念一代巨星。來自台灣的旅客林太與女兒，突然得知米高積遜的死訊都感到很錯愕，林太表示，她們一家有收藏米高積遜的唱片。