MJ忽然過身，八方噚日朝早睇新聞一時間都難以置信，原來有幾個議員都係佢fans，白鴿黨高達話已經決定同太太陳樹英暑假結伴到倫敦，欣賞MJ演唱會，「就算老婆唔去，我自己都會去。」後來演唱會改期，佢要押後買飛，豈料最後機會都冇埋。
高達話最迷MJ嘅時代，係佢一個爆炸頭，同佢兄弟組成Jackson5嗰時，當時MJ嶄露頭角，歌精舞勁，自此佢成為fans，後來幾乎買齊MJ唱片，最深印象係Moonwalk。偶像英年早逝，高達話好可惜，「始終得50歲，仲後生過我。」
陳淑莊學MJ舞步
唔講唔知，地產界石禮謙都係MJ迷，佢聲言MJ上世紀80年代如日方中時所出唱片，「幾乎都有晒！」
公民黨陳淑莊坦言唔係MJ死硬fans，不過後生女時都有聽佢啲歌，最愛《Thriller》，隨時琅琅上口，而佢做舞台劇，曾將《Beatit》改成《Eatit》，又學MJ舞步，「真係好難跳。」