【本報訊】03年7月1日，14歲的范長峰被群眾擠進了地鐵車廂，他與家人失散，獨個兒上街。來到銅鑼灣，四周盡是黑壓壓的人頭，他「嘩」一聲大叫出來，感受到「香港人好有希望」。從此他加入中學生聯盟、加入學聯，今年7.1，他將與一班大學生一起帶頭拉橫額，帶領香港人爭取普選。
最驚香港變成大陸
今年領軍的年輕人，許多都與中大學生范長峰一樣，受03年7.1洗禮，過去6年來積極投入社會運動。學聯秘書長周澄表示，今年學生上街的主題是「為公義，撐基層，要普選」。她說，回歸12年，貧富懸殊、官商勾結等問題日益嚴重，「呢啲問題喺內地仲勁，作為香港人，今日如果唔企出嚟，難保過多10年、20年，香港會唔會變成大陸咁。」
理大學生會外務副會長黃佳鑫今年首次參加7.1遊行，「入咗大學多咗了解時事，知道30萬人活於貧窮線下，生活冇好過、普選問題又一拖再拖，睇到咁多問題都唔上街，政府就可以繼續扮聽唔到睇唔到見唔到」。他說，許多大學生早在數個月前已討論7.1上街，相信今年大遊行的反應會相當熱烈。