張天愛（Flora）在洛杉磯的住所，正巧在米高父母屋企EncinoArea隔籬，兩人的後花園更是相連，她得悉米高死訊後，即時步行到米高父母家門外悼念，附近的鄰居也在門外獻花及談論事件。
附近大塞車
當時米高去世不久，保安仍未到場，Flora說：「Shocking!shocking!」她顯得有點傷感，口震震說：「其實今日下午已經好多傳媒嚟咗佢門口，中途佢哥哥JermaineJackson有坐車返過嚟，啲記者衝晒上去影相，家附近又封晒路，好多直升機飛嚟飛去。我車我奶奶出去，都塞咗半個鐘頭先行得。」下午過後，米高父母門外已劃分咗記者區，而來悼念的人入夜後更多。
Flora透露米高父母在Encino住了10多年，自己在他們旁邊住了6年多，她說：「佢哋成日去Gelson'ssupermarket買嘢，好nice，不過，唔鍾意人哋認得佢，唔係好望人。」Flora指米高和JanetJackson不時會來探父母，每次到場都非常大陣仗，有大堆黑衣保鑣。
採訪：林妙萍