【本報訊】「殺老母？真係忤逆仔，始終都係自己阿媽，點可以做啲咁嘢㗎！」屯門山景邨發生懷疑殺母倫常慘案，街坊議論紛紛。
街坊：一家關係不融洽
有街坊說自小看着現年25歲的疑兇長大，指他們一家三口均是「孤獨村」，「好少同街坊打招呼，尤其是個仔（疑兇），平日行路頭耷耷，急急腳走得好快，好似驚人見到佢咁！」有街坊又指死者對兒子和丈夫都「好惡」，一家人關係並不融洽。
犯罪心理專家黎定基認為今次慘案是疑犯對社會不滿，面對挫折和母子長期積累恩怨造成，討錢被拒只是燃起疑犯瘋狂仇殺的情緒，事發後經一晚冷靜疑兇始回復正常。
黎定基指，慘劇中的疑兇可能長期被母親責罵，甚至被人鬧「篤眼篤鼻」和無用，加上長期無業和常遇挫折，就會產生自卑感並對社會不滿，「一個已經25歲嘅大男人，伸手問阿媽攞幾百蚊都唔得，佢梗係好嬲啦！」黎定基說：「兩個人嘈起來，連阿媽都用刀斬，佢一定控制唔到自己而失去理智。」
他補充說：「疑兇最驚嘅時刻應該係殺人後逃離現場嘅一刻，噚日佢去殮房認屍，相信係經過一晚冷靜後，可能知道犯案現場留低太多罪證，無可能逃避而要冷靜面對現實，其實疑兇認屍過程嘅一舉一動，查案探員都會暗中觀察。」
美國心理學會臨床心理專家羅志華則認為，疑犯是一個沒親情的冷血動物，起因是自幼缺乏母愛，甚至自小缺乏家庭溫暖。他說疑犯事後若無其事地去認屍，不排除是驚到不識表達，簡單地說是「驚到儍咗」。