香港資源（2882）董事Herbert許浩明喺海域訴訟中甩難，已經從被告名單中除名，由海域陷入危機到變身香港資源翻身，佢都不離不棄，一手一腳幫公司走出危機，仲話喺呢次事件上感觸良多，學到好多嘢咁話。
悟出運氣有周期性
佢話海域停牌兩年，係佢人生最困難嘅經驗，可以令公司重新站起來兼復牌，令佢學識好多嘢，首先係唔好對自己失去信心，亦唔好互相指摘，因為咁對解決事情毫無幫助，仲有要極大耐心去解決問題。
Herbert仲悟出，包括運氣在內所有事都有周期性，無論情況幾差總會過去，總知逆境中唔好氣餒，不過喺解決問題嘅過程要定下不同目標，然後盡力達標。
家公司總算捱過咗一次重大危機，又吸引到四叔李兆基等猛人入股，證明佢過去嘅努力總算冇白費。