內房股升幅真厲害，有口痕友同星俠講，大陸人錢太多，但又缺乏投資產品，所以啲錢一係用來炒股，一係買樓。
話時話，大陸新樓盤銷售冇錯係好，但另一方面空置率亦高，究竟係賣唔去，抑或啲人錢太多所以買來擺？
另外一樣令人諗唔通就係水泥股，近期有消息指，內地水泥供應過剩，令水泥股後市添上陰霾。
內地水泥供應過剩
乜唔係話全國正大搞基建，尤其係四川去年大地震後，一方有難，八方支援，大家捐錢搞重建，按理水泥多多都唔夠，點解會供過於求，究竟錢落在邊度，該省有幾多地方正在重建當中？
比較幾隻水泥股，海螺水泥（914）走勢似乎較弱，該股近期曾跌至47.05元，回補4月底之上升裂口後反彈，昨隨大市上升2.4%，收報49.80元，雖略為收復10日線，但50至51元水平阻力幾大，似乎不易突破，建議睇定後再算，如果有貨伺機減磅。
方星俠