賭王何鴻燊昨日往灣仔領取演藝學院頒發的榮譽博士，賭王的二、三、四房子女出動撐場支持，其中三房女兒超雲和超蓮一個低胸、一個騷美腿，搶盡風頭。對於三姨太常有微言指女兒衣着太性感，超雲自信謂皆因自己有本錢，更說：「唔通老咗先嚟sexy咩？」
賭王何鴻燊、阿姐汪明荃和廖本懷夫人毛妹等，昨日往灣仔演藝學院領取榮譽博士和院士等名銜。賭王家族成員幾乎全數列陣賀爹哋，包括二房子女超瓊、超鳳、超蕸和猷龍；三姨太陳婉珍則率領女兒超雲、超蓮和猷啟到場；四姨太梁安琪則帶同女兒超欣出席。
賭王對於再獲博士銜頭表示高興，他說：「我成日同埋啲大闊佬朋友講，唔可以成日發夢掛住搵錢，都要支持吓文化同藝術嘅，施比受更有福，出錢出力好快樂㗎。」
超蓮讓姊姊搶鏡
眾子女中，超雲穿上StellaMcCartneyjumpsuit，超蓮則穿短褲露美腿，各不相讓展示青春性感。問超雲三姨太間中有微言不滿女兒太性感，問她這日打扮有否先讓父母過目？她說：「冇需要，已經做足防走光措施，唔通老咗先嚟sexy咩？」再問她是否同意有本錢才性感？她說：「梗係啦。」
至於露美腿的超蓮說：「我冇刻意性感，我特登唔搶家姐鏡㗎。」對於兩個女兒均愛性感示人，三姨太無奈地說：「佢哋咁大個女囉，我冇唔開心，知佢哋會有限度嘅。」
四太自嘲駁嘴叻
四姨太則透露超盈已選擇攻讀藝術科目，問她女兒有否拍拖？她說：「拍！唔拍拖做乜呀？佢都19歲，我唔會吓吓過問嘅。」賭王攞獎無數，連三姨太也即將領取其第二個榮譽博士銜頭，何時輪到四姨太呢？四姨太說：「啲女話我駁嘴駁舌就有份。」
採訪：LawWaiMan
攝影：PangChungYin
