獅子行滙控（005）唔再係全球表現最佳銀行?!
《TheBanker》雜誌最新調查顯示，摩根大通（JPMorgan）擊退獅子行，成為全球最佳嘅銀行，排名由舊年第4名急升上第1名；至於獅子行就被「踢出」三大，連跌4級去到第5名。
唔計政府注資排第3
《TheBanker》自1970年開始進行調查，根據各銀行嘅資本充足率或第一級資本充足率做比較。摩通一早獲美國政府注資250億美金，而獅子行就遲遲先至向股東供股集資，梗係有啲蝕底。獅子行雖然排第5，但就係前五大最佳銀行中唯一未接受政府援助，若果扣除政府資金，獅子行排名第3。
至於全球最賺錢同埋最蝕錢銀行，分別係工行（1398）同埋蘇格蘭皇家銀行（RBS），前者勁賺213億美金，後者狂蝕593億美金，可謂有天壤之別。