過去三個月港股展開升浪，半年結在即，加上期指結算臨近，唔少人預期港股今個月應可守在18000樓上半年結，但踏入7月就唔敢講，調整可能會深化。
股海永遠有人睇好，有人睇淡。大市運行亦有一定軌迹，唔會因個人主觀意願而轉移，散戶若然睇唔通，建議趁反彈將手上持貨減磅，股市下跌時就有資金買貨。當然，如見個別股份有勢炒上，設止蝕位跟炒亦無妨。
兩岸經貿佔盡地利
兩岸商貿經濟合作將於下半年展開會談，為配合發展，中央早前確立海峽兩岸經濟區，福建省成為投資者緊盯之新興投資焦點，業務位處該區之股份值得留意。
廈門港務（3378）係當地最大港口碼頭營運商之一，在兩岸經貿關係上佔盡地利，由於內地與台灣的經濟合作空間龐大，對廈門港業務影響長遠而且正面。
該股上月高見1.88元後出現調整，跌抵50日線即見反彈，昨升2.7%，收1.52元。廈門港長短皆宜，短線博反彈睇1.88元，中長線目標2.60元。
方星俠