公共醫療醫生協會（PDA）歷年全男班做主席、副主席，今年終於打破傳統，女上男下有女將上場。該會今晚改選領導層，現任主席何栢良醫生搵東區醫院呼吸科女醫生蘇潔瑩Loretta角逐副主席，由於冇其他人同佢哋競爭，所以多數順利當選。
蘇醫生一直係PDA活躍分子，不過作風比較低調，有人指佢同何栢良一個主內，一個主外，係perfectmatch。Loretta92年港大畢業，曾任東區醫院醫生會會長，現職東區醫院內科，係呼吸系統專科醫生，由於東區醫院行政總監任燕珍都係呢一科，又做過呼吸科部門主管，所以有人指Loretta係任姐徒弟。PDA創先河選出女副主席，何栢良話家一半醫生都係女性，話唔埋下屆主席都係女醫生喎。