應屆港男大熱「嫩版必文」10號吳雲甫被踢爆是媾女狂及有易服癖，前日他在將軍澳電視廣播城排舞後，與「大隻王貽興」8號李偉健等往君傲灣開餐，飯後眾人搭地鐵到旺角健身，吳雲甫和李偉健兩熱門在車上平排而坐，前者咪小說《雪山飛狐》，後者則發呆，繼續冇偈傾。
「我冇易服癖」
扮斯文的吳雲甫往績花哩碌，最近他熱玩Facebook的Chainmail，自爆25件事，當中提及「我貪靚，但我沒有同性戀傾向，Ilovegirlstoomuchtobegay。」更謂有一怪嗜好，就是愛用一種氣味加一首歌來標籤女孩。昨日吳雲甫於無綫排練，他說：「我冇易服癖，扮女人張相係我做舞台劇嘅造型。」又否認媾女無數：「我得20幾歲，邊可以有50個女朋友咁多。」
此外，陳志雲昨日在銅鑼灣錄影《志雲飯局》，對於港男有參賽者是非，他說：「佢哋嘅私生活同性取向我哋係唔會干涉，都唔可以歧視人哋嘅性取向，如果有人虛報資料先會被取消資格。」另外，他又否認王喜是他的新寵，指兩人相識已久。
採訪、攝影：楊浩賢、黃曉程、楊潔雯
各位讀者如果認識十位入圍港姐及十二位港男，知道他們的底細，歡迎電郵mailto:[email protected]報料。