今屆港男是非成籮，吳雲甫的易服癖固然嚇親人，但現年22歲4號鄭智鍵的是非也走勢凌厲，在高登討論區掀起「膠人旋風」。事緣有網民上載舊帖，指一化名「凱斯」的高登會員曾張貼鄭智鍵的自拍照，並自認是同志狂搵partner。
留言猥瑣三級
凱斯07年已加盟高登「派膠」討論區，至今開post多達17版，內容猥瑣三級，粗言穢語屎尿屁隨帖飛，去年他已宣稱對選港男有興趣，月前又發功狂問選港男細節。被一眾高登友力證是自己人的鄭智鍵，昨在將軍澳電視廣播城強調「自己係直嘅」，他說：「啲相係我嘅，但留言唔係。我當然嬲啦，我喺加拿大有拍拖，拍咗兩年。」他又稱做任何事總有人喜歡有人不喜歡，不過無綫對他投以信任一票，應不會對參賽構成影響。
此外，在港男面試中曾被捧為熱門的「幼齒陳鍵鋒」被out，他在Xanga中自爆因遺留手機在公司，錯失無綫的入圍通知來電，但揚言兩、三年後會再選過。
採訪、攝影：王崇穎